„გადასახადების ადმინისტრირების შესახებ“ საქართველოს ფინანსთა მინისტრის 31.12.2010 წლის N996 ბრძანებაში განხორცელდა ცვლილებები, რომლითაც დეტალურად განიმარტა საქართველოს საგაასახადო კოდექსში 2020 წლის 14 ივლისის N6817 საქართველოს კანონით დღგ-ის კარში განხორციელებული მთელი რიგი ცვლილებები.
კერძოდ:
• განისაზღვრა დღგ-ის გადამხდელად რეგისტრაციისა და რეგისტრაციის გაუქმების წესები;
• განისაზღვრა წესები და პირობები, რა შემთხვევაში არ განიხილება ოპერაცია დღგ-ით დასაბეგრ ოპერაციად, მ.შ რა შემთხვევებში არ ითვლება მომსახურება საქართველოში განხორციელებულად;
• გაიწერა დღგ-ის ჩათვლის მიღების წესი, ასევე ცალკეული შემთხვევები, როდესაც დასაბეგრ პირს ეზღუდება ჩათვლის მიღების უფლება;
• დეტალურად გაიწერა ძირითად საშუალებებზე ჩათვლის მიღების წესი და დღგ-ის თანხის კორექტირების გარემოებები დღგ-ის გადამხდელად რეგისტრაციის/რეგისტრაციის გაუქმების ან ამ ძირითადი საშუალების მიწოდების შემთხვევაში;
• დეტალურად განიმარტა ვაუჩერის სახეები და მისი მეშვეობით განხორციელებული ოპერაციების დაბეგვრის წესი;
• განისაზღვრა სპეციალური სქემით დასაბეგრი საქონლის, კერძოდ ანტიკვარიატის, ხელოვნების ნიმუშების და საკოლექციო ნივთების სახეები და დეტალურად განიმარტა დაბეგვრის ამ სქემის გამოყენების და მისი გამოყენების შესახებ საგადასახადო ორგანოს ინფორმირების წესი.